لقطات بلا حدود معرض فى مؤتمر المواطنة الاول

تم عرض لوحاتى الفوتوغرافية المصممة بالجرافيكس فى مؤتمر المواطنة الاول لمنظمة الاتحاد المصرى لحقوق الانسان

بس ايه وربنا ولا كانت هاعرضها ولا احزنون كنت خلاص فى اللحظات الاخيرة سأتراجع عن الفكرة ككل

قال أروح بالصلاة على وكل من له نبى يصلى علية قال ولا الاقى مكان جاهز للعرض طيب وده اسمة كلام دا يرضى حد مفروض شوية نظام فى كل مكان موش صعبة للدرجة دى كل واحد يلتزم بما عليه وبما ليه وكل واحد يتربط من لسانة ساعتها كل مشاكل الدنيا تتحل

انا ساعتها عصبت الصراحة ولقيت نفسى انى موش فى مكانى وخدت بعضى ولوحى وقلت يافكيك الله

الغنى عن ده معرض لو هاتعرض بشكل يسئ لكيانى حتى لو كنت لسه فى أول الطريق انسان بدون

كرامة ولا يسوى وانا موش مستعدة كرامتى تتهان علشان معرض ولو كان ايه

ماعلينا اتصل بيا وقتها منظمى المؤتمر للاعتذار وربنا انا كانت دماغى راكبة شمال انى ولا اعرض هناك

بس فى اخر المطاف حسيت انى وعدت بانى اعمل المعرض وخلاص عملت مجهود ومينفعش اتراجع ابدا

مهما كانت الاسباب والحقيقة منظمى المعرض كانو فى منتهى الذوق والموقف عدى

وبالفعل عرضت لوحات عبرت فيها عن أهمية وجود لغة حوار مشتركة نستطيع بها لا

التواصل ولتوصل لايجاد لغة مشتركة وتكوين نسيج مجتمعى ملتحم كل منا يدين بديانتة كيفما يشاء ولايؤثر هذا

على تفاعلنا كعناصر بناءة فى مجتمع يحتاج منا لاتحاد وتوحد لاخراج افضل مابداخلنا ونتقدم فى خطوات ايجابية

ميريام عادل

فنانة تشكيلية معاصرة

عشقانة

انا بس عاوزة اتنفس هوا نضيف فى بلد بعشقها وبكرهها
بعشق الناس وطيبتهم
بكره الناس وخبثهم
بعشق الناس وكلامهم
بكره الناس ورغيهم
بعشق الناس وحنيتهم
بكره الناس وقسوتهم

عشقانة قلب القاهرة
طفشانة من اللى بيجرى فيها
عشقانة وشوش بشوشة
طفشانةمن وشوش نكدية
بعشقها وبتحسر عليها
خسارة اللى بيتعمل فيها
كفاية
عشقانة

حرية العقيدة

عقيدتى ام وطنى
مايحدث يثير لدى تساؤلات بلا اجوبة من يدرى ببواطن الامور هناك من لم يجد اعتراف بديانته.كنت أظن ان ممارسة القهر موضوع غير قابل للنقاش ولكنى ادرك انى لابد الان ان انطق وارد على قهرالمقهورين حتى لو صوتى مجرد صوت خافت .بيكون اعلى لو معايا ميكرفون ومنبر وبالمرة ناس مهتمين بالقضية من غير أغراض شخصية بعد ماعرض الفيلم التسجيلى للسنيمائى الاستاذ:أحمد عزت لم اتصور ان تعاد مشاهد من طفولتى , مصورة جعلتنى مشاهد من الفيلم اعود بالذاكرة لاجد انها نفس احداث تمر بها طفله بهائية يقال لها انها رايحة النار علشان بهائية؟مين بيحط الفكر ده فى عقول اطفال لم تعى من الدنيا مايسمح لها لتدين وتحكم بالتكفير. مين من حقة يحكم عليا فى عبادتى انسان هايتحاكم من إلى خلقة زى زيه او من إلى خلقنى وخلقه . فهل يتم تحديد هوية الانسان بما يعبد وهل احقيتة بان يشعر بوطنيته الكاملة وحصولة على حقوقة كفرد فى الدولة مشروطة بما يدين .لماذا تصر الدولة على حرمان البهائيين على حصولهم على حقهم؟ فى ان يعترف بهم فى البطاقة. يعنى رضينا بالهم والهم موش راضى بينا ده ,والمفروض اساسا ميكونش فيه تمييز وتنشال بقى من اصلو خانة الديانة من البطاقه ,ونتعامل كمصريين مسحيين كاثوليك ارثوذوكس انجيلى خمسينى ومسلمين سنة وشيعة وبهائى على كل ملة ودين من غير تعتيم ورمى التهم وتعصب اعمى ملعون اختلف معايا فى رايك فى دينى بس اوعى تهين مقدساتى او تحرمنى امارس حرياتى و عبادتى يعنى ليه تتعامل معايا وانك تحرم دين ان يعترف بها دى مصيبة ايه دى ياربى ايه دولة العنجهية والناس اللى هيا ممشينها ظلمجية . مفيش حقوق ليك عليا وانت تدفع ضرايب من سكات والا ..آه
وهل طريقة تعاملك مع ا ى شخص تتغير بناء على دينه واذا كان هذا مايحدث فقد تم من جراء وضع خانة الديانة بالبطاقة وبما أن الدولة مصرة ماشى طيب ليه لية بقول ليه فى 16 ديسمبر اترفض حكم قضاء مجلس الدولة فى قضية أحقية البهائيين فى رؤية بهائى مكتوبة فى بطاقة مصرية اليس هذا كيل بمكيالين عايزين ايه يا حكومة بما أن كل حاجة فى مصر ماشية بالاوراق الرسمية يعنى حصول على وظيفة ومعاشات واوارق جامعة واحتياجاتك الكاملة فى الحصول على حقك كانسان اولا وكمواطن درجة اولى.أى إنهم عمليا موش واخديين اعتراف من الدولة بانهم مواطنين مصريين عايزيين نعيش فى مصر بلد الامن والامان فى شوية سلام ده كتير ده ولا استحال

جرى ايه لرجولة الرجل الشرقى.التحرش

موضوع الندوة دى مثير للجدل ويدعو لحتمية النظر فى علاقه الرجل بالمرأه وما سبب تغييرات المجتمعية الطافيه على السطح بشكل مستفز والدوافع النفسية والاجتماعية التى جعلت المجتمع يمارس بشكل أو بأخر تحول المعاكسة الىتحرش
بدأت د.مللك رشدى الندوة بمدرسة الجزويت الحديث بمفهوم علم الاجتماع عن علاقه الرجل بالمراة بمعنى علاقات النوم و سبب ماوصل اليه الشارع المصرى من تردى معاملة الرجل للمرأة وجعل المرأة وكانها غرض او شئ يمتلكة وتعدياته على سواء بنظرات تتفحص كل ثنيات جسمها او يتجرأ ليتطاول عليها بالفظ أو اللمس (التحرش)وذكرت حادثتين بالتحديد كانت البادرة االاولى لتطور لما وصلنا اليه الا وهى حادثة 25 مايو 2005 امام نقابة الصحفيين وقفه احتجاجيه ضد مادة 76 فى الدستور واستباح بلطجية اندسو و اعتدو على السيدات بشكل مهين, والاخرى بعدها بسنه 2006 اكتوبر فى حادثه العيد الشهيرة فى وسط البلد شارع سليمان باشا التف مجموعة رجال وتحرشو بشكل همجى بفتيات لا بيهم ولا عليهم الا سوء حظهم انهم يعدو من مكان تجمع رجال مسهم جنون الشهوة .وازاى كانت ردة فعل الامن المتناهيه السلبية ولا فيه ولا واحد اتحرك يشوف فيه ايه ,ولا حتى من باب الفضول !والاحداث الفظيعة تتم على عينك يا تاجر وما كان من رد فعل وزارة الداخلية فيما بعد ولا كانه حاجة حصلت لحد امتى تهان حرية المرأة السؤال هل كانت ملابس الفتيات صارخة تدعوهم لالتهامهم او ان مسالة الملابس حرية شخصية وان المطلوب من الرجل انه يحس على دمه و يعمل ربط الاحزمة وتحكم فى شهواته بدل مايتحكم فى كيفيه ممارستى لحريتى فى ارتداء ما أحب وحتى لو حجبنا كل نساء العالم تفتكروا هاينتهى التحرش وحوادث الاغتصاب او هاتزيد
تيجو نجرب ونشوف نعمل فترة لتحجيب المرأة
،وعدت الحادثة بعد الضجيج الاعلامى بدون اى اجراات امنيه فكانت ومن هنا تم البدء فى استباحة عرض المرأة وكل ماتلى الحوادث السابقة ازدياد انتهاك لحرية المرأة بالشارع لاناتخاذ موقف سلبى هو تواطئ ايضا كانت تلك بداية النهاية لصورة الرجل الشرقى ومايمثله وسبب تحول سلوك الرجل للانتهاكى وتحدتث د. ملك ان نظرية علم الاجتماع يقول مايقهر يعود انتاجة والتحليل ده بياكده حقيقه الوضع وكيفية انتقال قهر الرجل للمرأة فى الاطار الخاص بالمنزل الى الشارع سببة ان الرجل قد تم قهره فى صورة الدولة والظروف الاجتماعية

كلمة ورد غطاها
المهم الدكتورة خلصت الندوة من هنا واتفتحت باب جهنم قصدى باب التعليقات قام رجل فى اواخر العقد الخامس وقال ايه أن التحرش كلمة كبيرة اوى للى بيحصل دى مجرد معاكسة يانهار إسود ومنيل تطاول الرجل وجورانه على مساحتها الشخصية عادى كده شئ بسيط عجبى عليك يازمن و تصدقوا بالله أنا كان هاين عليا اخبطه بأى حاجه بس قلت الطيب أحسن عديها سيبيه يخلص بس لكنه أكمل استهانة بالوضع ووضع الوزر على عاتق المرأة كعادة الرجل على مدار أجيال وتصورت إنه حان الوقت لإقف وأرد ولكن خانتنى شجاعتى لم أقوى على مقاومة خجلى وتراكمات إسلوب تربيت عليه فما كان منى الإ أن اسمع وأسجل لإدونه ولكنى لم أعد أقوى السكوت حين وقفت أنثى ملامحها غاية فى الرقة والجمال ولكنى صعقت حين رأيتها تمشى مسترجلة الخطوات هدمت الصورة المرسومة لها فى خيال فنانه وزاد إندهاشى حين تكلمت فخرج من فمها الصغير صوت أجش وأسلوب لا يتماشى مع لإستايل ملابسها الكاجوال وما خرج من فمها جعلنى ثائرة فهى لم تكن تمشى وتتكلم كالرجال بل تتصرف كواحد منهم ايضا فهى ترى إنها عندما تتعرض للتحرش حتى حين يكون معها زوجها راجلها هى اللى بترد وتدافع عن نفسها والمفروض غنه إيه خلاص كمان النخوة راحت عليها وبردوا حاولت أقوم أتكلم أدافع عن أنوثة المرأة التى تدفن أمامى وأنة موش من المفروض إنها تكون الوسيلة اللى تدافع بيها الواحدة عن نفسها إنها تنسى إنها إمرأة وكان نفسى أقولها إنها إذا تصرفت على إنها أنثى فسوف يتصرف زوجها على إنة رجل أم إنة هو من أعطاها الحق ورفض أن يتصرف فى تلك المواقف مما جعلها تضطر للدفاع عن نفسها بالطريقة التى تراها تعطيها كرامة ولكن إعتراضى إنة فى ظل الاحداث تناست إنها أنثى أم إنها لم تجد الاهذا
أسدعيت فى عقلى فى تلك اللحظات أحداث قد مريت بها ولم أشأأن أدافع عن نفسى بهذا الاسلوب حتى لا أنجرف إلى مستوى انحطاط من يتحرش ولكن بداخلى مارد ينتظر فقد من يتسول له نفسة أن يتعدى حدود التحرش وليرى ما أنا بفاعلة أم حينها سأتصرف أيضا كأنثى وحينها سيوضح أكان أسلوب الفتاة هو الاسلوب الأمثل أم إسلوبى فى الحياة
ولكن كل هؤلاء لم يؤثرو فى بقدر شاب طويل القامة نحيل حاد النظرات حين تحدث عن مشكلتى وهو لايدرى مايعتمل بداخلى من تضارب أنة لية يدى الحق لنفسة انة يتكلم عن مشاكل المرأة وهى سلبية مبتردش حتى إن ماتسبب فى مشاكلها إن الرجل وإن كان لدية مشكلة إن المرأة تغريه و موش قادر يعمل كنترول على شهواتة فيجه الى الاضعف ويحاول إنه يغطيها ويتحكم فى مجال خصوصيتها بتحديد ليها إزاى تلبس وإن سكوتها ماجعل الوضع مازال قائم الانسان يكون الحل فى الاسباب اللى هو السبب فيها وحقيقى
هنا تراجعت عن مكانى
وجلست فىأخر صف وتحدثت إلى نفسى إنتى جبانة مقدرتيش تواجهى خجللك وتتكلمى فعلا هو كلماتة حقيقية نزلت هزت كيانى ليه بسكت فى حين إن جوايا بركان كلام يأبى أن يخرج من شفايفى ولسان معقودا
فهل تنتهى هذة الظاهرة أبدا أم هى فى إزدياد سيظل الرجل يتحرش بالمرأة لانها الاضعف ام يتخيل انها الاضعف وماأثق به طالما إستكانت عن الرد والدفاع عن حريتها وإستهانت فستهدر كرامتهاو لن تجدمن يدافع عنها

صرخة

صرخة قارئة الفنجان كسرت الطرقات
قبيل الذهاب الى ما وراء الظلمات
تناهى الى مسامعى تنهدات الغارقين فى الويلات
فذهبت لارى مامات فغرقت فى التنهدات
تتوه عيون فى بركان ملعون
تناجى قلوب امست غيوم

جعجعات

تم نقل عربة السيدات من اول عربتان الى وسط المترو حاولت سبر اغوار ماسر الترحال
فلم اجد فرار من إن القرار لمن بيده الاختيار حركه تنقلات بيادق الشطرنج
جزء لا يتجزأمن التحكم فى كيفية مجرى الأمور بدون طرح
الاسبااب؟طيب بلاش دى كبيرة شويتين طيب حتى اعلان من الهيئه عن موعد الأنتقال ولا هيا كده
يالا ياحجة انتى وهيا من اول عربيتين على الرابع علطول
وده طبعا لاننا اجدع شعب يجعجع ولا يتعتع المهم يوم 7 يناير والكل داخل عربية السيدات وموش درايان
لانه ولاحد عنده خبر سهو كان ام ثقة فى إن الناس المصرية نبيهة هاتفهم الفولة فى ثانية

هوبا البنات داخلة و لقيت رجالة بشنب يقف عليه الصقريالهوى اكنش غلطت ودخلت عربيه لاسمح الله عربيه الاخوة الرجاله
ولا الستات هايعملوها موضه ويربو شنب ويسموها موضة ابو شنب لقيت الموال موش اللى هو بس مين يقدر ...........؟

اللهم لا اعتراض حاشا وكلا ياخرابى لهو انا اقدر؟
و فى كل محطه بيلاقو رجالة جدعان داخليين خارجيين ولا على بالهم والستات تصرخ عربيه سيدات يا يا جدع يامحترم على فين
والستات عيونها بطؤشرار ايه اللخبطة دى
داا المكان الوحيد اللىبنرتاح فيها من الرجالة يعنى نطفش على فين ورانا ورانا

والشباب بيعلقو اه كفايةان السيدات ليها عربيتين كتير عليهم بيركبو معانا فى عربيات التانيه ليه

الظاهر الكل كاتم فى قلبو من الجنس التانى وساكت وجات الحكايه دى خرجت اللى فى القلب

علشان تعرفو بس قيمة التصرفات اللى زى دى هو فيه احكم من كده هيا دى الاسباب الحقيقية اللى فى بالى

.لقت الرجاله والسيدات شايلين من بعض فقررت تعمل الخير وترمينا لبعضينا يخليكى لينا يااااا
واتلفت لقيت البنوته اللى جنبى تنظر شذرا لرجل وفى عينيها نظرة اتهام

فبادرت بالحديث اليها قائله: معلش كلها يومين لغايه الوضع مايستقر والكل يتعودعلى النظام كالعادة
بصراحة الراجل كان محتاس يعنى بجد صعب عليا فقلت: له انت طلعت بالغلط على فكرة بس مفيش مشكله
تخرج وتغير المحطة الجايه فقالى : المشكله انى بشتغل فى المترو وجاى من اتجاه حلوان كنت متاخر فركبت
رديت ياستغراب: شغال فى المترو ودخلت بالغلط وقعت ياحلو ادفع الغرامه بقى وحياة ربنا مانت خارج الا لما تدفع الغرامه
فبصلى كده بتعجب!!! غرامه غرا مة ايه دى الللى هادفعهايا استاذة دا انا شغال هنا؟؟؟
معرفش ايه شويه الشجاعه اللى حلت عليا وقتها
لقتنى برد عليه وبقوله: ولو ماحنا نازلين دفع غرامات اشمعنى !انت يعنى على راسك ريشه اللى يغلط يتحاسب ولا ايه
ولا اه
ولكن هيهات ابى الحليوة ان يدفع التغريمه حتى لو بالكلام موش بالتعكيمة
النقلة دى فيها إن وانها دى بقىحادثة حلوان السواقين دماغهم ورمت من رغى الستات ليل ونهار
احم كلام فاضى قا ل الستات رغايين قال
واللى يخبط على بابه ووصف السيد المسئول عن هيئة المترو الخناقة اللى دارت احداثها
بين سيدتين قبل يومين وكانت ليله وخناقه لرب السما فالسواق اتعكنن وقام بدل مايدوس الفرامل قام دايس على السرعه

ودخل المترو فى السور والاهم وما قد تناهى الى مسامعى من مصر موثوق به اان تكاليف الحادثة قد وصلت الى مايتجاوز 3 مليار تكلفه 3 متروهات اتشدشت فى الحادثة

تكلفة الخسائر تقدر بمبلغ بسيط خالص 3 مليااااااااااااار ...

يابلاش المهم خسائر الارواح ولا دى متهمش حد الايام دى

وطبعا على مين اللى هايدفع الفاتورة مفيش غيرانه يضاف على طول على الضريبة

عادى يعنى ياجماعه ما احنا بنعديها لكل الرجاله
لما بيتخانقوا على الفاضيه والمليانه والمعارك جوه البيت وبره
ولا جت عندنا ووقفت وقمتو بعقاب باقى الجمع وشحططتنااااااااااااااااا بين عربات الرجال بدل مايتعاقب المسئول عن الحادثة

بس ازاى ماهو احنا ناقصين نتحشر فى النص موش كفايه زنقة الاتوبيسات
ولا صعبان عليكو المترو يكون المواصله الوحيده اللى الستات متصان كرامتها فيها شوية
ايه اللى ناقص دحرجة البيادق متمشيش على اللى طالع ونازل

دى مبقتش عيشه

قلبى ينبض حنين وفايض من الانين كفاية ظلم يابنى ادميين

تتلألأدموعى بين جفونى تترجى العيون

يامعينى

بدور فى العيون على حد حاسس بالامان

بس ده ايه ده كان زمان

خلاص الامان بقى فى طى النسيان وكلمه منسوجه بوهم الخيال

راح فين الضمير دى كمان بقت موضه دى كمان

الامان الضمير ليه يا بنتى كده انتى جايه منين

انا عايزة استخبى من غدر الكل ليا

اعدى بكرة

يمكن الاقى شويه امان تحمينى من غدرالزمان

ولا برضو هاتقولو كان

زمان